உன் பேரே தெரியாது ...Lyrics

பாடல்: உன் பேரே தெரியாது
படம்: எங்கேயும் எப்போதும்
இசை: சத்யா
பாடியவர்: மதுஸ்ரீ
வரிகள்: நா. முத்துக்குமார்


உன் பேரே தெரியாது
உனைக் கூப்பிட முடியாது
நான் உனக்கோர் பேர் வைத்தேன்
உனக்கே தெரியாது
அந்தப் பேரை அறியாது
அட யாரும் இங்கேது
அதை ஒரு முறை சொன்னாலே
தூக்கம் வாராது

அட தினம் தோறும் அதைச் சொல்லி
உன்னைக் கொஞ்சுவேன்
நான் அடங்காத அன்பாலே
உன்னை மிஞ்சுவேன்

You never find a better time
Make a stand you ll be fine

ஹோ ..சூடான பேரும் அது தான்
சொன்னவுடன் உதடுகள் கொதிக்கும்
சூரியனாய் நீயும் நினைத்தால்
அது இல்லையே ..
ஹோ ..ஜில்லென்ற பேரும் அது தான்
கேட்டவுடன் நெஞ்சம் குளிரும்
நதி என்று நீயும் நினைத்தால்
அது இல்லையே...

சிலிர்க்க வைக்கும் தெய்வம் இல்லை
மிரள வைக்கும் மிருகம் இல்லை
ஒளி வட்டம் தெரிந்தாலும்
அது பட்டப் பெயர் இல்லை
என் பேரின் பின்னால் வரும் பேர்
நான் சொல்லவா ...?

You never find a better time
Make a stand you ll be fine.

பெரிதான பேரும் அது தான்
சொல்ல சொல்ல மூச்சே வாங்கும்
எத்தனை எழுத்துக்கள் என்றால்
விடை இல்லையே..
ஓ ..சிறிதான பேரும் அது தான்
சட்டென்று முடிந்தே போகும்
எப்படிச் சொல்வேன் நானும்
மொழி இல்லையே ...

சொல்லி விட்டால் உதடு ஒட்டும்
எழுதி விட்டால் தேனும் சொட்டும்
அது சுத்தத் தமிழ் பெயர் தான்
அயல் வார்த்தை அதில் இல்லை
என் பேரின் பின்னால் வரும் பேர்
நான் சொல்லவா ...?

உன் பேரே தெரியாது .......